ನೆನಪುಗಳು ಮಾತ್ರ ಮಧುರ

ತುಂಬಾ ಧನ್ಯವಾದ ನೆನಪುಗಳಿಗೆ!!!

ಜೊತೆಯಲಿ ನೀನು ಇರದಿರುವಾಗ
ನಿನ್ನನು ನನ್ನಲೇ..ನನ್ನನು ನಿನ್ನಲೇ ಹಿಡಿದಿಡಲು ಸಹಕರಿಸುವುದಕ್ಕೆ!!

ನಿನ್ನ ಚಿತ್ರದ ಮುಖದಲ್ಲಿ ನಾನು ಮೀಸೆ ಬರೆಯುವಾಗ..
ನೀನು ದಿಟ್ಟಿಸಿ ನೋಡಿದ್ದು ..ಅಟ್ಟಿಸಿಕೊಂಡು ಬಂದದ್ದು

ನಿನ್ನ ಅಂಗೈಯಲ್ಲಿ ನಾನು ಮದರಂಗಿ ಹಚ್ಚೆ ಹಾಕುವಾಗ..
ಭುಜ ತಾಗಿಸಿ ಕೂತಿದ್ದು ...ಕಣ್ಣು ಮಿಟುಕಿಸಿ ನಕ್ಕಿದ್ದು...

ಕನ್ನಡಿಯ ಮುಂದೆ ನೀನು ನೆಟಿಕೆ ಮುರಿಯುವಾಗ
ಕದದ ಹಿಂದೆ ನಿಂತು ..ತಿಳಿಯದಂತೆ ಕದ್ದಾಲಿಸಿದ್ದು..

ಸತಾಯಿಸಲು ನಾನು ಸುಮ್ಮನೆ ಸುಳ್ಳು ಹೇಳಿ ನಕ್ಕಾಗ . 

ನಿನ್ನ  ಮುಖ ಬಾಡಿದ್ದು..ನೀನು ಬೆನ್ನು ತಿರುಗಿಸಿದ್ದು ..

ಎಲ್ಲಾ ದೃಶ್ಯಗಳೂ ತೇಲಿ ಬರುತಿವೆ,
ಒಂದರ ಹಿಂದೆ ಒಂದರಂತೆ!!

ತಿರುತಿರುಗಿ ನೆನೆನೆನೆದು ಆ ಘಳಿಗೆ..

ಹೇಳುತ್ತಿರುವೆ ಧನ್ಯವಾದ ನೆನಪುಗಳಿಗೆ!
--------------------------------------------------------------------------------------------------------------------------------------
ಕನ್ನಡ ಬ್ಲಾಗ್ ಪುಟದಲ್ಲಿ..(comments @KANNADA BLOG- facebook page)...